En nú hefur þessi 89 ára auðjöfur skipt gamla samanbrjótanlega Samsung símanum sínum út fyrir nýja iPhone 11. Það þarf svo sem ekki að koma á óvart að hann hafi valið síma frá Apple því hann er þekktur fyrir ást sína á Apple. Gamla Samsung símann keypti Buffett 2010 svo hann var kominn til ára sinna.
Í viðtali við CNBB skýrði Buffett frá þessu.
„Þú ert að horfa á 89 ára gamlan mann sem er varla byrjaður að fylgja tíðarandanum.“
Apple er það fyrirtæki sem fjárfestingarfélag Buffett, Berkshire Hathaways, á einna mest í en það er þriðja stærsta fjárfesting félagsins. Fyrirtækið á 5,7% hlutabréfa í Apple að verðmæti 72 milljarða dollara. Eignir Buffett eru metnar á 85 milljarða dollara en gætu hafa aukist á undanförnum 12 mánuðum en hlutabréf í Apple hafa hækkað um 70% á þeim tíma.
Buffett sagðist ekki ætla að nota símann til að skoða samfélagsmiðla eða þess háttar. Hann verði bara notaður sem sími.
