fbpx
Sunnudagur 05.apríl 2020
Pressan

Fékk lán hjá frænku sinni og kom viðskiptaveldi á laggirnar – Sest nú í helgan stein

Kristján Kristjánsson
Miðvikudaginn 26. febrúar 2020 17:30

Frá sýningu Victoria's Secret.

Ekki missa af Helstu tíðindum dagsins í pósthólfið þitt

Lesa nánar

Árið 1963 stofnaði Les Wexner fyrirtækið L Brand. Hlutaféð var 5.000 dollarar sem hann hafði fengið lánaða hjá frænku sinni. Fyrirtækið er í dag þekktast fyrir undirfatamerkið Victoria‘s Secret en verðmæti þess er í dag talið vera um 1,1 milljarður dollara.

Wexner er nú 82 ára og ætlar að setjast í helgan stein. Eftir 57 ár sem forstjóri og stjórnarformaður L. Brands segir hann skilið við daglega stjórn fyrirtækisins og selur um leið fjárfestingafyrirtækinu Sycamore Partners 55 prósent af hlutabréfaeign sinni í fyrirtækinu. Hann mun þó ekki hætta öllum afskiptum af fyrirtækinu því hann mun sitja í stjórn þess.

Ef ferill Wexner hefur ekki verið óumdeildur og á síðari árum hefur hann sætt harðri gagnrýni. Victoria‘s Secret breyttist úr stóru fyrirtæki í heimsþekkt vörumerki vegna hinnar árlegu sýningar fyrirtækisins á vörum sínum. Sýningin var í fyrsta sinn send út í beinni sjónvarpsútsendingu 1995. Úr varð vinsælt sjónvarpsefni sem gaf fyrirsætunum tækifæri til að verða að stjörnum.

En á undanförnum árum hefur fyrirtækið og þar með Wexner mætt töluverðum mótvindi. Hin fræga sýning var sögð vera alltof einsleit, fyrirsæturnar væru nær allar eins, hún var einnig sögð gera lítið úr konum. Áhorfstölur drógust mikið saman og voru orðnar svo lágar að ákveðið var að aflýsa sýningunni á síðasta ári.

Fyrirtækið hefur reynt að bregðast við þessu með því að fá fyrirsætur í ýmsum stærðum til að koma fram en gamlir frægðartímar, þar sem poppstjörnur á borð við Rihanna og Taylor Swift, komu fram á sýningunni virðast nú vera víðsfjarri.

Það hefur ekki bætt ástandið að New York Times fjallaði um menninguna innan fyrirtækisins í grein sem ber heitið „Angels in Hell“ en þar er vísað til þess að fyrirsæturnar eru oft kallaðar „Angels“. Í greininni segir að starfsumhverfið sé litað af hótunum og að þar viðgangist einelti og áreiti. Wexner hefur sjálfur sætt gagnrýni, ekki síst vegna áralangrar vináttu hans við barnaníðinginn Jeffrey Epstein.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Strangtrúaðir gyðingar harðneita að fara eftir fyrirmælum varðandi COVID-19

Strangtrúaðir gyðingar harðneita að fara eftir fyrirmælum varðandi COVID-19
Pressan
Fyrir 2 dögum

Þetta gerir Trump þegar honum finnst sér vera ógnað

Þetta gerir Trump þegar honum finnst sér vera ógnað
Pressan
Fyrir 3 dögum

Forsetinn neitar að grípa til aðgerða vegna COVID-19 – Segir að vodka og gufuböð haldi veirunni fjarri

Forsetinn neitar að grípa til aðgerða vegna COVID-19 – Segir að vodka og gufuböð haldi veirunni fjarri
Pressan
Fyrir 3 dögum

Taílendingar sárhneykslaðir á konungi sínum – Flúði COVID-19 til Þýskalands með 20 frillum

Taílendingar sárhneykslaðir á konungi sínum – Flúði COVID-19 til Þýskalands með 20 frillum
Pressan
Fyrir 4 dögum

Mýtur um COVID-19 – Hvað er rétt og hvað er rangt?

Mýtur um COVID-19 – Hvað er rétt og hvað er rangt?
Pressan
Fyrir 4 dögum

Ástfangin á níræðisaldri en aðskilin vegna COVID-19 – En ástin finnur alltaf leið

Ástfangin á níræðisaldri en aðskilin vegna COVID-19 – En ástin finnur alltaf leið