34 ár eru nú liðin síðan Palme, sem var forsætisráðherra Svíþjóðar, var skotinn til bana á götu úti í Stokkhólmi. Sænski afbrotafræðingurinn og rithöfundurinn Leif GW Persson, sagði í samtali við Expressen að hann telji að morðingi Palme sé látinn. Þetta byggir hann á því sem Petersson sagði en hann sagði meðal annars:
„Það getur verið að við séum komin eins langt og hægt er að vænta af okkur og að frekari rannsókn skili ekki árangri. Það er hugsanlegt en ég vil ekki segja hvað við munum kynna.“
Persson telur að þessi ummæli séu til marks um að lögreglan viti nú hver myrti Palme og að viðkomandi sé látinn.
„Þessi ummæli eru áhugaverð. Ég giska á að rannsókninni, ef allt fer eins og ég tel, verði hætt.“
Sagði hann og benti á að ef taka á ákvörðun um að hætta rannsókn svo stórs máls sem Palme-morðið er þá sé það vegna þess að eitthvað nýtt og afgerandi hafi komið fram í rannsókninni, til dæmis að hinn grunaði sé látinn. Hann sagðist jafnframt telja líklegt að morðvopnið sé fundið og að af þeim sökum hafi lögreglan gott sönnunargagn í málinu.