CNN Business skýrir frá þessu. Bandaríska geimferðastofnunin skýrði frá þessu á fimmtudaginn. Þetta hefur vakið upp spurningar um hvort Starliner verði tilbúið fyrir fyrsta mannaða flugið en því hefur nú þegar verið frestað um mörg ár.
Á föstudaginn tilkynnti NASA að stofnunin hafi í hyggju að opinbera stóra skýrslu um öryggismál Starlines en þau eru sögð ansi mörg. Skýrslunni er ætlað að skýra af hverju alvarleg vandamál komu ekki í ljós fyrr en flaugin fór í reynsluflug.
Starliner fór í ómannað reynsluflug í desember en því var ætlað að sýna að geimfarið geti komist örugglega til alþjóðlegu geimstöðvarinnar. En það gekk ekki eins og lagt var upp með. Innri úr geimfarsins voru ekki rétt stillt og því fór það af braut og því varð að lenda því aftur.
Ekki liggur enn fyrir hvort NASA muni krefjast þess að Starliner fari aftur í ómannað reynsluflug áður en til jómfrúarflugsins með áhöfn um borð kemur. Boeing hefur þó undirbúið sig fyrir það og sett 4,2 milljarða dollara í sérstakan sjóð ef svo fer að NASA krefjist ómannaðs reynsluflugs.