Konan sagði starfsfólki að hún væri að vinna að rannsóknarverkefni um Turing og fékk það til að afhenda sér kassa sem innihélt muni sem höfðu verið í eigu Turing. Þar á meðal var heiðursorða sem hann hafði fengið fyrir framlag sitt til baráttunnar gegn nasistum og doktorsprófskírteini hans frá Princeton háskólanum.
En það voru vissir gallar á frásögn konunnar. Fyrir það fyrsta átti Turin engin börn og þessu utan var konan, sem sagðist heita Jula Turing, ekki að vinna að neinni rannsókn.
En konan tæmdi kassann og setti miða í hann þar sem hún baðst fyrirgefningar og sagði að hlutunum yrði skilað aftur dag einn.
En árin liðu án þess að hlutirnir skiluðu sér aftur til Sherborne og með tímanum urðu skólastjórnendur að viðurkenna að þeir myndu líklegast aldrei fá þá aftur. En rúmlega 34 árum síðar komst hreyfing á málið því 2018 setti umrædd kona sig í samband við Colorado háskóla í Bandaríkjunum og bauð honum heiðursorðuna og prófskírteinið til afnota á sýningu. En fræðimenn við skólann fylltust strax grunsemdum um að hlutirnir væru illa fengnir. Þeir settu sig í samband við alríkislögregluna FBI sem heimsótti konuna sem reyndist heita Jula Turing. Ekkert fannst við leit heima hjá henni en lögreglan gafst ekki upp og leitaði enn betur í húsinu. Það skilaði að lokum árangri því bak við kommóðu fannst prófskírteinið. Bak við vegg á baðherberginu fannst síðan rykug taska. Orðan var í henni.
Síðan fóru málavextir að skýrast enn frekar. Í ljós kom að Julia Turing hét áður Julia Schwinghamer en hún breytti eftirnafni sínu í Turing 1988, fjórum árum eftir þjófnaðinn. Einnig kom í ljós að hún hafði í gegnum árin reynt að senda falska muni til Sherborne í þeirri von að þeir yrðu álitnir ekta en án árangurs.