En hinn langi armur laganna gefst sjaldan upp og nú hefur Kristiansen verið handtekinn. Það var lögreglan í Brasilíu sem handtók hann nýlega. Danska lögreglan á nú í viðræðum við brasilísk yfirvöld um framsal Kristiansen. BT skýrir frá þessu.
Christiensen bjó í Englandi en hann hafði flúið frá Danmörku vegna skattaskuldar. Hann fór með Kristiansen til Frakklands og áfram til Portúgals en þangað komu þeir í byrjun júlí 1993. Erindi þeirra var að kaupa notaða lúxusbíla í Þýskalandi og selja í sunnanverðri Evrópu. En ekkert varð úr bílasölunni. Christensen var myrtur skömmu eftir komuna til norðurhluta Portúgals. Vitni, kona, sagðist hafa sé Kristiansen losa sig við blóðuga sög og gúmmíhanska á ruslastöð um 12 km frá þeim stað þar sem hluti af líki Christensen fannst. Það fannst við fjalllendi í skógi 30 km austan við borgina Porto. Líkið hafði verið sagað í búta en aðeins neðri hluti þess fannst, efri hlutinn hefur aldrei fundist. Hjá líkinu var blóðug og tóm ferðataska hans.
Lögreglan lýsti strax eftir Kristiansen, innanlands sem og á vettvangi Interpol, en hann fannst ekki. Þó var vitað að hann væri á lífi því fyrst eftir morðið sendi hann „fréttabréf“ til „viðskiptavina“ sinna þar sem hann reyndi að útskýra hvað kom fyrir Christiansen.
Meðal annars sagði hann að Christiansen hafi tengst mafíunni og að hún hafi myrt hann vegna ásælni hans í barnaklám. Hann bendlaði morðið einnig við skattsvik og skattaundanskot. Bréfin voru send með faxi frá pósthúsum á Bermúda og Portúgal.
Í september 1993 birtist Kristiansen skyndilega í fréttatíma Danska ríkissjónvarpsins. Tveimur tímum fyrir útsendingu kom leigubílstjóri í höfuðstöðvar sjónvarpsins og afhenti myndband þar sem Kristiansen ræddi um morðið á Christiansen. Leigubílstjórinn hafði verið stöðvaður af óþekktum manni sem bað hann um að aka með myndbandið í höfuðstöðvar ríkissjónvarpsins.
Eftir þetta fréttist ekkert af Kristiansen fyrr en í síðustu viku þegar lögreglan skýrði frá handtöku hans.
