Konan, sem heitir Ember Robbins, birti bréfið á Facebook í lok janúar ásamt mynd af sendlinum að leika við son hennar og vin hans.
„Þú hefur ekki hugmynd um hvað þú gerðir þegar þú gafst þér smá tíma til að leika við son minn og vin hans og til að koma síðan aftur klukkustund síðar með nýjan körfubolta handa honum af því að hinn var slitinn og loftlaus.“
Segir Ember í upphafi bréfsins sem hún stílaði á „Amazon Prime Guy“.
https://www.facebook.com/photo.php?fbid=2513547615640665&set=a.2060031260992305&type=3
Hún hélt síðan áfram:
„Það sem þú veist ekki er að sonur minn átti mjög erfiðan dag í skólanum. Bekkjarfélagi hans hefur verið leiðinlegur við hann dögum saman og þú gerðir það sem ég reyndi en gat ekki. Þú gerðir daginn hans miklu betri. Líklega vikuna.“
Hún segir síðan að hún vildi óska að hún vissi hvað sendillinn heitir til að heimurinn fái að vita hversu góð manneskja hann er og til að geta þakkað honum persónulega fyrir.
Tugir þúsunda manns hafa séð færsluna og mörg þúsund hafa tjáð sig um hana.
Amazon deildi síðan færslu Ember á Facebooksíðu sinni og bætti við myllumerkinu #DeliveringSmiles.
https://www.facebook.com/Amazon/posts/10157534612643124
Nokkrum dögum síðar birti Ember nýja færslu þar sem hún sagðist hafa haft uppi á sendlinum sem heitir Jeremy Bronner og er fyrrverandi hermaður. Í annarri færslu skammaði hún síðan Amazon fyrir að nota skrif hennar til að bæta eigin umtal. En síðan skýrði hún frá óvæntri vendingu í öllu þessu:
„Hér kemur það óvænta. Í miðju þessu fári ákvað Jeremy að hætta hjá Amazon en hann hafði verið að hugleiða það.“
