fbpx
Miðvikudagur 30.september 2020
Pressan

Eitraðir drápsgeitungar hafa sett stefnuna á Norður-Evrópu

Kristján Kristjánsson
Mánudaginn 10. febrúar 2020 07:01

Þeir geta orðið rúmlega 5 sm á lengd. Mynd:Wikimedia Commons.

Ekki missa af Helstu tíðindum dagsins í pósthólfið þitt

Lesa nánar

Árásargjarnir og eitraðir asískir drápsgeitungar hafa nú tekið stefnuna á Norður-Evrópu. Þetta er ágeng dýrategund sem barst fyrst til suðurhluta Frakklands 2005. Talið er að tegundin hafi borist til Evrópu með varningi frá Asíu. Tegundin hefur síðan breiðst út og er nú til staðar á Spáni, Portúgal, Belgíu, Hollandi og sunnanverðu Englandi.

Síðasta haust fannst geitungur af þessari tegund í Hamborg í Þýskalandi, aðeins 140 km frá dönsku landamærunum. Aldrei fyrr hefur geitungur af þessari tegund fundist svona norðarlega. Danskir líffræðingar telja miklar líkur á að tegundin berist til Danmerkur innan nokkurra ára og nái fótfestu. Það eru allt annað en góð tíðindi því um ágenga tegund er að ræða.

Það eykur heldur ekki á ánægjuna með þetta að tegundin er árásargjörn, mun árásargjarnari en þær geitungategundir sem fyrir eru í Evrópu. Það er því meiri hætta á að þessi tegund ráðist á fólk. Flugur af þessari tegund verða um 35 mm að lengd. Stungur þeirra eru mjög sársaukafullar en þó er ekki hættulegt fyrir fullfrískt fullorðið fólk að verða fyrir einni stungu. Stungurnar geta þó verið lífshættulegar ef fólk er með ofnæmi fyrir stungum geitunga og býflugna. Vitað er um mörg dauðsföll af völdum stunga þessarar tegundar.

Ef fólk kemur of nærri búum þessarar tegundar er mikil hætta á að það verði fyrir árás fjölda þeirra og þá geta stungurnar verið lífshættulegar.

Tegundin er ekki aðeins til vandræða fyrir fólk því hún er kjötæta og ræðst á önnur skordýr og hefur sérstakt dálæti á hunangsflugum. Geitungarnir bíta höfuðið af býflugunum og éta þær síðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Hvítur öfgaþjóðernissinni skotinn til bana af lögreglunni

Hvítur öfgaþjóðernissinni skotinn til bana af lögreglunni
Pressan
Í gær

American Airlines tryggir sér lán upp á 5,5 milljarða dollara

American Airlines tryggir sér lán upp á 5,5 milljarða dollara
Pressan
Í gær

89 ára pizzusendill fékk óvænta sendingu – „Hvernig get ég þakkað ykkur?“

89 ára pizzusendill fékk óvænta sendingu – „Hvernig get ég þakkað ykkur?“
Pressan
Í gær

Fundu „risarottu“ í holræsinu

Fundu „risarottu“ í holræsinu
Pressan
Fyrir 2 dögum

Heimsfaraldur kórónuveirunnar hefur verið Elísabetu II dýr

Heimsfaraldur kórónuveirunnar hefur verið Elísabetu II dýr
Pressan
Fyrir 3 dögum

Íslamska ríkið í sókn í Afríku

Íslamska ríkið í sókn í Afríku
Pressan
Fyrir 4 dögum

Fyrrum þingmaður Bandaríkjaþings virðist hafa fengið heilablóðfall í beinni útsendingu

Fyrrum þingmaður Bandaríkjaþings virðist hafa fengið heilablóðfall í beinni útsendingu
Pressan
Fyrir 4 dögum

15 milljónir manna eru á flótta undan veðri, engisprettum og átökum

15 milljónir manna eru á flótta undan veðri, engisprettum og átökum