fbpx
Sunnudagur 24.janúar 2021
Pressan

9.000 ára gömul gröf veiðimanna breytir sögunni hvað varðar kynjahlutverkin

Kristján Kristjánsson
Sunnudaginn 22. nóvember 2020 08:00

Formóðir okkar á veiðum. Mynd:Matthew Verdolivo / UC Davis IET Academic Technology Services

Ekki missa af Helstu tíðindum dagsins í pósthólfið þitt

Lesa nánar

Í gegnum tíðina hefur það verið viðtekin skoðun að kynjahlutverkin hafi verið skýr hjá forfeðrum okkar. Á steinöld hafi það verið karlarnir sem fóru til veiða en konurnar sáu um að safna forða og útbúa mat. Að minnsta kosti er það svona sem þetta lítur út í mörgum sögubókum. En nýr fornleifafundur í Perú bendir til að þetta hafi nú ekki endilega verið svona.

Samkvæmt frétt Norska ríkisútvarpsins þá veitir 9.000 ára gömul gröf veiðimanna, sem fannst í Andesfjöllunum, aðra innsýn í líf forfeðra okkar. Þetta er að minnsta kosti mat Randy Haas, hjá Kaliforníuháskóla, sem vann að rannsókninni.

Það var 2018 sem 9.000 ára gömul gröf veiðimanna fannst í Wilamaya Patjxa í Perú. Í gröfinni voru leifar ungrar konu, um 19 ára. Hjá henni voru ýmis tól og tæki (vopn) til veiða á stórri bráð. Haas segir að það hafi verið venjan að hlutir, sem voru mikilvægur hluti af daglegu lífi viðkomandi, fylgdu þeim í gröfina.  Það vakti því forvitni vísindamanna um hvort þetta væri einstakt tilfelli eða hvort fleiri konur hefðu verið jarðsettar með veiðibúnað hjá sér.

Þegar vísindamennirnir fóru yfir gamlar rannsóknir fundu þeir nýjar vísbendingar í fleiri gröfum veiðimanna frá þessum tíma. 27 einstaklingar, bæði í Suður- og Norður-Ameríku, höfðu verið grafnir með svipuð vopn hjá sér. 11 voru konur en 16 karlar. Frekari rannsóknir leiddu í ljós að allt að helmingur veiðimanna á þessum svæðum voru konur.

Marin Pilloud, fornleifafræðingur við Nevada háskóla, segir að miðað við þessa uppgötvun þá virðist verkaskipting kynjanna ekki hafa verið eins og við þekkjum í vestrænni menningu í dag. Randy Haas tekur undir þetta og segir að hugsanlega hafi verkaskipting kynjanna verið á meiri jafnréttisgrundvelli fyrir 9.000 árum en nú.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Landamæri Ástralíu verða væntanlega lokuð allt árið

Landamæri Ástralíu verða væntanlega lokuð allt árið
Pressan
Fyrir 2 dögum

Biden kynnti COVID-19 aðgerðaáætlun byggða á „vísindum en ekki stjórnmálum“

Biden kynnti COVID-19 aðgerðaáætlun byggða á „vísindum en ekki stjórnmálum“
Pressan
Fyrir 2 dögum

Lélegur ræningi – Ránsfengurinn var 70 krónur og tvær servíettur

Lélegur ræningi – Ránsfengurinn var 70 krónur og tvær servíettur
Pressan
Fyrir 2 dögum

Líklegt að Kamala Harris verði að lifa með hótunum á áður óþekktu stigi

Líklegt að Kamala Harris verði að lifa með hótunum á áður óþekktu stigi
Pressan
Fyrir 3 dögum

Segir að lýðræðið hafi nærri dáið

Segir að lýðræðið hafi nærri dáið
Pressan
Fyrir 3 dögum

Áhrifa Brexit er farið að gæta – Tómar hillur og vöruskortur

Áhrifa Brexit er farið að gæta – Tómar hillur og vöruskortur
Pressan
Fyrir 4 dögum

Verðandi varnarmálaráðherra Bandaríkjanna vill losna við öfgamenn úr hernum

Verðandi varnarmálaráðherra Bandaríkjanna vill losna við öfgamenn úr hernum
Pressan
Fyrir 4 dögum

Joe Biden hefur svarið embættiseið og flytur innsetningarræðu

Joe Biden hefur svarið embættiseið og flytur innsetningarræðu