Myndbönd sem að kona nokkur birti á samfélagsmiðlinum TikTok, hefur vakið óhug hjá mörgum netverjum. Þar má sjá konuna uppgötva „leyniherbergi“ í húsinu sínu, nokkrum mánuðum eftir að hún flutti inn.
Konan hafði verið að þrífa húsið og tók eftir að það var rými fyrir aftan skáp, svo komst hún að því að skápurinn væri hreyfanlegur. Hún sagði að eldri kona, sem átti heima í húsinu á undan henni virtist ekki hafa verið dugleg að henda hlutum.
„Við keyptum þetta hús fyrir nokkrum mánuðum og við höfum núna í nokkra mánuði dundað okkur við að þrífa það. Ég var að hreinsa þennan skáp og eins og þið sjáið þá geymdi gamla konan sem bjó hérna allt. Þegar ég fór að skoða þennan skáp betur tók ég eftir því að það er eitthvað meira hérna á bak við. Krakkarnir mínir sögðu að ég ætti að taka það upp þegar ég skoða hvað er fyrir aftan skápinn.“
Þetta sagði konan á myndbandinu rétt áður en hún skoðaði hvað leyndist á bak við skápinn, en hún tók andköf þegar hún sá dúkku.
Í myndbandi sem konan birti seinna má sjá að dúkkan sem birtist á fyrsta myndbandinu er ekki sú eina. Langt því frá Í leyniherberginu var nefnilega að finna margar dúkkur og aðra gamla muni eins og krónur, leirtau, kjóla, málverk og fleira.
Í þriðja og síðasta myndbandinu viðurkennir konan að henni finnst herbergið óþægilegt.
„Þetta herbergi lét mér líða óþægilega, ég fékk þessa ónotatilfinningu.“
Þá segist hún ætla að loka herberginu og skila því til þeirra sem eiga það, sem sagt til dúkknanna.
Meira en þrjár milljónir manns hafa horft á fyrsta myndbandið á TikTok, en í commentakerfinu kemur skírlega í ljós að það hafi hrætt fólk. Einhverjir virtust sannfærðir um að dúkkurnar væru á lífi og að þær hreyfðu sig þegar þær væru ekki í mynd. Einn netverji gekk svo langt að segja að konan ætti að „henda húsinu í heild sinni“.
@rooney8900Should I upload a second video exploring what else is back there? ##fyp ##hiddenroom ##treasurehunt ##haunted ##oldhouse♬ original sound – Rooney
@rooney8900Exploring the hidden room! ##fyp ##hiddenroom ##oldhouse ##exploring♬ original sound – Rooney
@rooney8900I think the secret room should have stayed hidden. ##hiddenroom ##hauntedhouse ##oldhouse♬ original sound – Rooney