fbpx
Þriðjudagur 11.ágúst 2020
Pressan

Skemmta ljóskur sér betur en aðrir?

Kristján Kristjánsson
Miðvikudaginn 8. janúar 2020 07:02

Ætli hún skemmti sér betur? Mynd:Instagram

Ekki missa af Helstu tíðindum dagsins í pósthólfið þitt

Lesa nánar

Í lagi Rod Stewart frá 1978, Blondes have more fun, eru ljóskur viðfangsefnið og þeim hampað fyrir að skemmta sér betur en aðrir. En er þetta rétt? Skemmta ljóskur sér virkilega betur en fólk með annan háralit?

Þessi spurning virðist hafa leitað á hóp danskra vísindamanna sem ákvað að rannsaka málið að sögn Videnskab.dk. Segir miðillinn að hópur lækna og vísindamanna frá Herlev sjúkrahúsinu, háskólasjúkrahúsinu í Óðinsvéum og háskólasjúkrahúsinu í Køge hafi rannsakað þetta með því að nota vatnsrennibraut. Niðurstöður rannsóknarinn voru nýlega birtar í ástralska vísindaritinu Medical Journal of Australia.

Videnskab.dk hefur eftir Dennis Bregner Zetner, lækni og doktorsnema og aðalhöfundi rannsóknarinnar, að hópurinn hafi verið á námskeiði í Tyrklandi. Hlé hafi verið gert á námskeiðinu um miðjan daginn og hafi verið ákveðið að fara í vatnsrennibraut til að rannsaka hvort ljóskur skemmtu sér betur en aðrir.

Niðurstöðurnar voru að ljóskur skemmta sér vel en það gerir fólk með annan háralit einnig.

Vísindamennirnir fengu 21 námskeiðsgest til að taka þátt í rannsókninni með því að fara í vatnsrennibrautina. Þátttakendurnir vissu ekki um hvað rannsóknin snerist. Áður en fólkið fór í rennibrautina var hæð þess mæld, það vigtað og háralitur skráður. Hópurinn samanstóð af 10 ljóskum, 9 ekki ljóskum og 2 sköllóttum. Rétt er að taka fram að rannsóknin var gerð til gamans og lá ekki mikil alvara að baki henni.

Áður en fólkið fór í rennibrautina fyllti það út spurningalista um hvernig skapi það var í, til dæmis hvort það var þreytt, ringlað, reitt og svo framvegis. Að ferð í rennibrautinni lokinni svöruðu þátttakendurnir spurningalistanum aftur og öðrum þar sem þeir merktu við hversu vel þeir hefðu skemmt sér.

Síðan fór fólkið aftur í rennibrautina en áður var það beðið um að „núllstilla“ sig. Það er aðferð sem er oft notuð í rannsóknum. Til dæmis við lyfjarannsóknir þar sem þátttakendur skipta um lyf en ferlið tekur um viku. Það var enginn tími til þess í þessari léttu rannsókn Dananna og sagði Zetner að „núllstillingin“ hafi falist í því að þátttakendur voru látnir fara í sturtu áður en þeir fóru aftur í rennibrautina. Í þeirri ferð áttu þeir að liggja allan tímann. Síðan fylltu þeir aftur út spurningalista.

Niðurstaðan var að ekki var marktækur munur á hversu vel ljóskur og aðrir skemmtu sér í vatnsrennibrautinni. Eða eins og Zetner sagði:

„Niðurstöðurnar voru skýrar: Við fundum engar sannanir fyrir að ljóskur skemmti sér betur.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Í gær

Enn er sótt að Andrew prins – „Þetta voru lengstu 10 mínútur lífs míns“

Enn er sótt að Andrew prins – „Þetta voru lengstu 10 mínútur lífs míns“
Í gær

Fiskurinn að mæta Miðdalsá 

Fiskurinn að mæta Miðdalsá 
Pressan
Fyrir 4 dögum

Ný bylgja kórónuveirunnar er skollin á Finnlandi

Ný bylgja kórónuveirunnar er skollin á Finnlandi
Pressan
Fyrir 4 dögum

Rúmlega ein milljón kórónuveirusmita í Afríku

Rúmlega ein milljón kórónuveirusmita í Afríku
Fyrir 4 dögum

Gylfi Sig við veiðar í Grímsá í Borgarfirði

Gylfi Sig við veiðar í Grímsá í Borgarfirði
Fyrir 4 dögum

Maríulaxinn í topp ánni

Maríulaxinn í topp ánni
Pressan
Fyrir 4 dögum

Hefur spáð rétt um úrslit bandarískra kosninga í 36 ár – Sjáðu 2020 spána

Hefur spáð rétt um úrslit bandarískra kosninga í 36 ár – Sjáðu 2020 spána
Pressan
Fyrir 4 dögum

Endaði afklæddur á götunni eftir misheppnað rán – Sjáðu myndbandið

Endaði afklæddur á götunni eftir misheppnað rán – Sjáðu myndbandið