Talið er að um tvö hundruð breskir ríkisborgarar séu í Wuhan en þeim ríkisborgurum sem vilja verður boðið að fljúga til Bretlands. Ráðgert að flogið verði frá borginni snemma í fyrramálið.
British Airways tilkynnti í morgun að félagið myndi hætta tímabundið öllu flugi til og frá meginlandi Kína.
Mail Online ræddi við einn breskan ríkisborgara sem dvalið hefur í Wuhan. Maðurinn, Jeff Siddle, er kvæntur kínverskri konu og segir hann að henni standi ekki til boða að fara með honum til Bretlands. Þau eiga saman níu ára dóttur og hefur hún kost á að fara með föður sínum.
Þeir Bretar sem Mail Online ræddi við segjast hafa fengið þær upplýsingar að enginn yrði settur í einangrun við komuna til Bretlands. Það virðist hafa breyst því eins og fyrr segir hefur Sky News heimildir fyrir því að tveggja vikna einangrun bíði við heimkonuna.
Nú þegar hafa tæplega sex þúsund tilfelli veirunnar verið staðfest í Kína og 132 dauðsföll. 5.327 manns sýktust af SARS-veirunni frá nóvember 2002 og fram í júlí 2003. Dánartíðni var þó hærri í SARS-veirunni því staðfest dauðsföll af völdum hennar voru 349.