Aukingin á morðum átti sér stað þrátt fyrir að forseti landsins hafi notað fyrsta ár sitt í embætti til þess að berjast gegn glæpum tengdum fíkniefnahringjum í Mexíkó, honum hefur enn ekki tekist að draga úr morðum. Mikið hefur verið um alvarlegt ofbeldi og morð í Mexíkó síðan árið 2006, þegar yfirvöld lýstu yfir stríði gegn fíkniefnum, her landsins hefur verið dreginn inn í það stríð.
Andreas Manues Lopez Obrador forseti hefur, andsætt fyrirrennurum sínum, sagt að hann sé ekki í stríði við glæpasamtökin. Hann hefur í stað þess lofað að ráðast gegn spillingu og veita auknu fjármagni til félagsmála í stað hersins. Þrátt fyrir þetta komu upp fleiri mál á síðasta ári þar sem fólk var drepið í uppgjörum á milli gengja og glæpasamtaka.
Í nóvember á síðasta ári kostaði barátta tveggja glæpasamtaka stóra fjölskyldu lífið í Norður Mexíkó. Fölskylda af amerískum og marokkóskum uppruna lenti í skothríðinni á milli tveggja glæpasamtaka. Meðlimir samtakanna hófu skothríð á bíl fórnarlambanna, sem talið er að þeir hafi tekið í misgripum fyrir bíl meðlima annarra glæpasamtaka. Þrjár konur og sex börn voru skotin til bana, ein kvennanna þegar hún steig út úr bílnum til að gefa skotmönnunum merki um að fjölskyldan hefði ekkert með glæpasamtökin að gera. Átta börn fundust á lífi í nágrenni vettvangsins, en þau höfðu leitað skjóls í runnum.
Í nóvember hóf lögreglan rannsókn á grimmilegu máli, eftir að 50 lík fundust á bóndabæ á svæði þar sem Jalisco Nueva Genaracion glæpasamtökin halda til.
Stríðið sem nú stendur yfir á milli glæpasamtakanna er afleiðingar þess að El Chapo Guzman var fangelsaður á síðasta ári. Fram að því var hann leiðtogi stærstu glæpasamtakanna, Sinaloa-samtakanna, sem stóð fyrir stórum hluta fíkniefnaviðskiptanna í Mexíkó og Bandaríkjunum. El Chapo Guzman var einn þeirra leiðtoga sem mexíkóski herinn hafði fylgst vel með. Margir leiðtogar glæpasamtaka hafa lent á bak við lás og slá í kjölfar fíkniefnastríðsins, á meðan aðrir hafa verið myrtir. Í stað samtakanna hafa sprottið upp minni hópar sem berjast um yfirrráð.