Síðastliðinn sunnudag bað Frans páfi kaþólikka, sem er um 1,3 milljarðar, um að segja „Aldrei aftur“ við Helförinni. Þetta sagði hann í tengslum við að það eru 75 ár síðan fangar í útrýmingarbúðum í hinu hertekna Póllandi, voru frelsaðir.

Í vikulegri ræðu sinni ræddi páfinn um að hinn 27. janúar voru liðin 75 ár síðan her Sovétmanna, frelsaði fangana í Auschwitz-Birkenau.

„Það er ófyrirgefanlegt að sýna þessum stóra harmleik, þessari grimmd skeytingarleysi, það er skylda okkar að muna“.

„Á morgun er okkur öllum boðið að taka frá stutta stund til bæna og íhugunar, á meðan við segjum öll í hjörtum okkar: Aldrei aftur“, var meðal þess sem páfinn hafði að segja.

Meira en ein milljón manns, aðallega gyðingar, voru myrtir í Auschwitz-Birkenau í seinni heimstyrjöldinni. Páfinn hafði áður greint frá því að leynilegt skjalasafn Vatíkansins um Pius páfa í seinni heimsstyrjöldinni verði opnað í mars. Hópar gyðinga hafa farið fram á það í áratugi að það verði gert.

Að undanförnu hefur orðið aukning á gyðingahatri í Evrópu og í Bandaríkjunum. Aukning sem páfinn hefur kallað „hrottalega endurvakningu“.