Brad hafði árum saman verið í sambandi með Lucy Wieland, 28 ára, og hafði hann helgað líf sitt umönnun hennar eftir að hún skýrði honum frá að hún hefði greinst með leghálskrabbamein. Hann gerði því allt sem í hans valdi stóð til að hjálpa henni og létta lífið. Townsville Bulletin skýrir frá þessu.
Hann hjálpaði henni að setjast upp í rúminu á morgnana, sótti mat fyrir hana, aðstoðaði hana við að fara á salernið, tók lyfin hennar til og tók lán upp á sem svarar til um tveggja milljóna íslenskra króna til að greiða fyrir læknismeðferðir hennar. En fyrrnefndan dag breyttist allt.
„Þennan morgun kyssti ég hana bless og sagði: „Ég elska þig,“ og fór í vinnuna. Þetta var í síðasta sinn sem ég talaði við hana.“
Sagði Brad í samtali við Townsville Bulletin. Þennan sama dag var hann kallaður á fyrrnefndan fund. Þar sögðu lögreglumaðurinn og læknirinn honum að Lucy væri grunuð að hafa logið öllu um veikindi sín.
Hún hefur nú verið ákærð fyrir svik meðal annars því hún tók við sem nemur um fjórum milljónum íslenskra króna sem söfnuðust handa henni í söfnun sem átti að auðvelda henni að komast í gegnum sjúkdómsferlið.
Brad sagði að marga gruni að hann hljóti að hafa vitað að Lucy laug til um sjúkdóm sinn en því vísar hann algjörlega á bug og sagðist hafa trúað á hana í algjörri blindni.
BBC segir að upp hafi komist um hana eftir að samband var haft við lögregluna af ónafngreindum aðila sem sagðist hafa uppgötvað „gloppur“ í frásögn hennar.
Ákæran á hendur Lucy verður tekin til meðferðar hjá dómstóli nú í vikunni.