BT skýrði fyrst frá þessu og fljótlega fylgdu aðrir fjölmiðlar í kjölfarið. Danska ríkisútvarpið hefur eftir Kim Kabat, skólastjóra, að hann hafi tekið of sterklega til orða. Nú verði nýjar og vægari refsingar kynntar til sögunnar.
Gosdrykkjabannið var sett á því skólastjórnendur vilja að starfsfólkið sé til fyrirmyndar fyrir nemendurna. Að sögn Kabat hafa engin mál komið upp þessu tengt en samt sem áður hafi verið ákveðið að setja reglur um þetta því öðruvísi sé ekki hægt að fylgja þessu eftir.
Nemendur skólans mega ekki heldur drekka gosdrykki og er boðið upp á vatn eða mjólk með hádegismatnum. Nemendur skólans eru á aldrinum 17 til 25 ára.
