Þær voru dæmdar fyrir morðin árið 1989. Graham fékk einnig ævilangan dóm en án möguleika á reynslulausn. Hún er nú 56 ára. Fyrir dómi sögðust þær hafa myrt fólkið sér til skemmtunar og sögðu morðin hafa átt að styrkja ást þeirra. Þær voru því kallaðar „The lethal lovers“ í bandarískum fjölmiðlum. The New York Times skýrir frá þessu.
Það var Graham sem kæfði sjúklingana með vasaklút en Wood stóð á verði á meðan. People segir að þær hafi valið fórnarlömbin út frá eftirnöfnum þeirra þannig að þær gætu skrifað orðið „Murder“ með upphafsstöfum fórnarlambanna.
Wood hefur áður verið neitað átta sinnum um reynslulausn þar sem talið var að samfélaginu stafaði enn hætta af henni og vegna þess að hún hafði ekki sýnt neina iðrun.
Roger Kaliniak, sem var lögreglustjóri og rannsakaði málið á sínum tíma, er allt annað en sáttur við að Wood verði látin laus.
„Hún er raðmorðingi og hún gæti gert þetta aftur. Flestir þeirra gera það. Ég held að Wood hafi verið heilinn á bak við þetta. Graham sá um skítverkin en Cathy Wood var heilinn á bak við þetta.“