Lögreglan í Perú handtók belgískan mann fyrir að reyna að smygla 20 lifandi fuglum til Evrópu. Maðurinn, sem er 54 ára gamall, var hendtekinn á flugvellinum í Lima á mánudag, þegar hann reyndi að komast frá Perú til Spánar með hinn ólöglega farm. Perúska stofnunin sem hefur eftirlit með skógum og dýralífi greindi frá þessu. Maðurinn á allt að fimm ára fangelsi yfir höfði sér.

Fuglarnir voru geymdir í litlum kössum í ferðatösku mannsins sem segir að staðið hafi til að selja þá á Spáni. Hann á yfir höfði sér allt að fimm ára fangelsi fyrir ólöglega verslun með dýr.

Hluti hinn litríku fugla sýndi merki um vökvaskort og stress og höfðu nokkrir þeirra misst hluta fjaðra sinna eftir að hafa verið í kössunum klukkutímum saman. Fuglarnir eru eftirsóttir meðal smyglara vegna litríks fjaðrahams þeirra. Heimkynni fuglanna eru í frumskógum Perum, en þá er einnig að finna í regnskógum í Ekvador og Bólivíu.

Perú er sannkölluð paradís fulgaskoðara, en yfir 1800 fuglategundir búa í landinu. Ekki hefur verið upplýst hve mikið hinn belgíski fuglasmyglari hafi reiknað með að hafa uppúr krafsinu. Ólögleg verslun með villt dýr eða hluta þeiira, svo sem skögultennur, getur verið afar arðbær.

Fyrir nokkrum dögum fjölluðu fjölmiðlar um kínverskan mann sem handtekinn var á flugvelli í Sri Lanka með um það bil 200 sporðdreka í farteskinu. Samkvæmt, The Independent, gera yfirvöld ráð fyrir því að hann hafi ætlað sér að draga úr þeim  eitrið, en háar fjárhæðir geta fengist fyrir spordrekaeitur í Kína. Maðurinn var sektaður og fékk svo að halda heim á spordrekanna.