Leikmaðurinn sem um ræðir heitir Delonte West og átti hann nokkuð góðan feril í deildinni á árunum 2004 til 2012. Hann spilaði með Boston Celtics, Seattle SuperSonics og Cleveland Cavaliers. Tímabilið 2006 til 2007 spilaði hann 69 leiki með Boston og skoraði 12,2 stig að meðaltali í leik. Þá átti hann frábæra úrslitakeppni með Cleveland vorið 2009 þegar hann var með 13,8 stig að meðaltali í leik. Það tímabil komst liðið í undanúrslit Austurdeildarinnar þar sem það tapaði fyrir Orlando Magic.
Í öðru myndbandinu sést þegar West er í átökum við mann úti á götu en í hinu myndbandinu sést þegar West ræðir við lögregluna og viðhefur ýmis blótsyrði. Augljóst er að West í annarlegu ástandi. Hafa ýmsir velt því fyrir sér hvort hann sé heimilislaus en á tíma sínum í NBA-deildinni þénaði hann vel á annan milljarð króna.
West greindist með geðhvörf árið 2008 en lét veikindin ekki á sig fá og spilaði körfubolta við góðan orðstír allt til ársins 2015 að skórnir fóru upp í hillu. Ýmsir hafa kallað eftir því að NBA-deildin eða fyrrverandi vinnuveitendur hans hjá Dallas Mavericks komi honum til aðstoðar. Augljóst sé að hann sé mikið veikur og þarfnist aðstoðar.
Meðal þeirra sem hafa tjáð sig um myndböndin er Jameer Nelson, fyrrverandi liðsfélagi hans hjá Dallas. Nelson segist ekki vita nánar um stöðuna á honum en segist miður sín. „Ég hef talað nokkrum sinnum við hann á síðustu mánuðum, reynt að vera til staðar fyrir hann sem vinur. Ef þú glímir við andleg veikindi þarftu að tala við einhvern,“ segir Jameer.
Slim doing bad NBA need to offer him some help pic.twitter.com/b7MtTj9JAt
— Maybe: Damani (@damani_givens) January 21, 2020
— Jameer Nelson (@jameernelson) January 21, 2020
