Þetta kemur fram í nýrri skýrslu Oxfam International, en um er að ræða bandalag 13 samtaka í fjölmörgum löndum sem vinna gegn fátækt og óréttlæti.
Í skýrslu samtakanna er ljósi varpað á ójöfnuð í heiminum og bent á það að þeir 2.153 sem mest eiga, svonefndir milljarðamæringar í daglegu tali, eigi meira en þeir 4,6 milljarðar manna sem taldir eru til fátækustu íbúa heims.
Og þeir sem tilheyra ríkasta eina prósentinu eiga 45 prósent af öllum auðæfum heimsins. Ef þeir myndu greiða örlítið meiri skatt, hálft prósent, myndi það duga til að skapa 117 milljón ný störf á næstu tíu árum.
Í niðurstöðum skýrslunnar kemur fram að auðæfi ríkustu karlanna séu metin á 976 milljarða punda en auðæfi allra kvenna í Afríku, ríkra og fátækra, séu metin á 951 milljarð punda.