Á miðvikudag í síðustu viku var lögreglunni í Sør-Øst í Noregi tilkynnt að Skoda Octavia bíll sæti fastur á gönguskíðabraut við Hemsedal skíðasvæðið. Það fylgdi sögunni að bíllinn væri marga kílómetra inni á brautinni. Lögreglumenn fóru á vettvang og fundu bílinn fastan langt inni á brautinni. Í honum voru fjórir Litháar.

Ökumaðurinn sagðist hafa fylgt leiðbeiningum leiðsögutækisins og hafi ekið eftir þjóðvegi 52 og síðan beygt inn á gönguskíðabrautina sagði talsmaður lögreglunnar. Hann sagði ótrúlegt að ökumaðurinn hafi ekki áttað sig á að hann hafi beygt út af þjóðveginum og inn á gönguskíðabraut. Enginn grunur er um að ökumaðurinn hafi verið undir áhrifum áfengis eða vímuefna.

Það var ekki einfalt mál að fjarlægja bílinn af brautinni og vissi lögreglan ekki alveg hvernig dráttarbílafyrirtækið, sem tók verið að sér, ætlaði að bera sig að við það. Reiknað er með að það verk muni kosta ökumanninn sem svarar til hundruða þúsunda íslenskra króna.