Tístið hefur vakið mikil viðbrögð á Twitter, þar sem hitinn í Washington á sunnudag var vel yfir frostmarki. Samkvæmt Huffington Post fór hitinn við Hvíta húsið upp í 20 gráður á sunnudag. Margir þeirra sem hafa tjáð sig á Twitter hafa rætt um meðferð Trump á sannleikanum. Meðal annars skrifar Twitter notandinn JoeMyGod: „Heimskulegasta lygi Trump árið 2020 kom snemma“.
First snow of the year! ❄️ pic.twitter.com/kgSLQX6QxK
— The White House (@WhiteHouse) January 13, 2020
Samkvæmt Huffington Post féll fyrsti snjór ársins í Washington síðastliðinn fimmtudag. Vegna þessa eru þeir á þeirri skoðun að tístið hafi verið skrifað á fimmtudag, en deilan á milli Bandaríkjanna og Íran hafi mögulega tafið birtingu þess.
Þetta er ekki í fyrsta sinn sem umfjöllun Trump um veðurfar hefur vakið undrun fólks. Þegar fellibyurinn Dorian nálgaðist Bandaríkin í september, sýndi Trump, í beinni útsendingu, kort yfir það svæði sem gert var ráð fyrir að yrði fyrir barðinu á fellibylnum. Augljóst var að kortinu hafði verið breytt með penna og að ríkinu Alabama hafði verið bætt við. Margir veltu því fyrir sér hvort Alabama hefði verið bætt við vegna þess að forsetinn hafði nokkrum dögum áður sagt að fellibylurinn myndi ganga yfir Alabama.