Samkvæmt lögreglunni á Gíbraltar og á Spáni rukkaði gengið fólkið um rúmlega milljón króna (€ 8000) á mann og flutti yfir 130 manns frá Marokkó til Spánar og annarra landa í Evrópu.
Tvö hundruð lögregluþjónar, undir stjórn Europol, handtóku 47 þegar þeir unnu að því að eyðileggja glæpahópinn, sem hafði haft meira en 1 milljón evra uppúr glæpastarfseminni.
Rannsóknin hófst í nóvember 2018, þegar lögreglan á Gíbraltar tók eftir aukningu á Marokkómönnum sem komu frá Casablanca og Tangier með ferðamannaáritun til Bretlands.
Konunglega lögreglan á Gíbraltar sagði að settar hafi verið saman möppur með fölskum gögnum sem sendar hafi verið inn til að fá ferðamannaáritanir til Bretlands. Þegar áritunin var í höfn fyrir hvern farandmann, sá glæpahópurinn um að panta flug og gistingu á Gíbraltar, og lét farandfólkið svo hafa leiðbeiningar um hvað það ætti að gera þegar til Gíbraltar væri komið, meðal annars að komast í samband við þá sem biðu þeirra á Gíbraltar“.
Eftir komuna til Gíbraltar, fluttu smyglararnir farandfólkið til Spánar, í skjóli nætur, fólkið hélt svo annað hvort kyrru fyrir á Spáni eða var ferjað með rútum til annarra Evrópulanda. Hópurinn hafði þróað leiðir til að forðast eftirlit og nýtt fólk tók strax við ef einhver var handtekinn.
Fulltrúi lögreglunnar á Gíbraltar sagði að þessi rannsókn væri gott dæmi um það sem færi fram á bak við tjöldin til að verja landamærin frá ógnum við öryggi landsins. Hann sagði að skipulögð glæpastarfsemi hafi mikil áhrif á þjófélagið og þess vegna beri lögreglunni skylda til að verjast því sem geti skapað hættu í samfélaginu“.
