Dorsey var í viðtali við tímaritið Wired þar sem hann svaraði spurningum frá almenningi. Einn spurði hann meðal annars út í grein sem birtist á vef CNBC í apríl síðastliðnum þar sem fram kom að Dorsey borðaði aðeins fimm máltíðir í viku.
Dorsey sagði að það væri ekki rétt, máltíðarnar væru sjö. Hann borðar aðeins kvöldmat og fastar þess á milli. Það er því hvorki pláss fyrir morgunmat né hádegismat hjá Dorsey sem er 43 ára. Hann viðurkennir þó að kvöldmáltíðin sé nokkuð stór og hitaeiningarík en auk þess full af góðum næringarefnum.
Þá greindi Dorsey frá því að hann stundi hugleiðslu á hverjum einasta degi, eða í tvær klukkustundir hvern dag. Þá fer hann mjög reglulega í ísbað og gufu; fer sumsé í ísbað og svo beint í gufu á eftir og svo aftur í ísbað.