Foreldrar hans voru ekki mjög áhyggjufullir í fyrstu. Skömmu áður höfðu þau tekið farsíma hans af honum og það hafði gerst nokkrum sinnum, þegar til deilna kom þeirra á milli, að Harley fór að heima og hélt sig að heiman í smá tíma.
En þegar ekkert heyrðist til hans fóru þau að hafa áhyggjur og settu sig í samband við lögregluna. Umfangsmikil leit var sett af stað. Þyrlur, lögreglumenn og leitarhundar leituðu víða en fundu ekkert sem gat vísað á Harley.
Á mánudaginn ákvað lögreglan að gera aðra leit. Þá komu lögreglumenn að mannlausu sumarhúsi sem er verið að gera upp. Engin ummerki voru um að brotist hefði verið inn en lögreglumennirnir ákváðu samt sem áður að fara inn. Inni í húsinu komust þeir að hvað hafði orðið um Harley. CNN skýrir frá þessu.
Á annarri hæð hússins fundust jakki og gleraugu Harley við hlið skorsteinsins. Inni í skorsteininum fannst lík hans, það sat fast.
Lögreglan telur að hann hafi klifrað upp á þakið og reynt að komast inn í húsið í gegnum skorsteininn. Það endaði hins vegar með skelfingu því hann féll ofan í skorsteininn og festist.