Á síðasta ári fóru úkraínsk hjón á veitingastað í heimabæ sínum ásamt stórum hópi. Þegar klukkan var um 1 var konan orðin þreytt og ákvað að ganga heim enda stutt heim. Maðurinn ætlaði að vera aðeins lengur. Þegar konan átti bara nokkur hundruð metra eftir heim stökk maður, vopnaður hnífi, á hana aftan frá og dró inn í runna.

Hann var miklu sterkari en hún og klæddi hana úr buxunum og byrjaði að nauðga henni. En hann vissi ekki að maðurinn hennar var á leiðinni heim og heyrði hljóð berast úr runnanum þegar hann nálgaðist heimili sitt.

Þegar hann áttaði sig á hvað var að gerast í runnanum varð hann svo reiður að hann reif nauðgarann upp og tók hnífinn hans af honum og notaði hann til að skera getnaðarlim hans af. Daily Mail hefur eftir lögmanni hans að maðurinn hafi misst stjórn á sér og hafi ekki vitað hvað hann gerði.

Nágranni hringdi í neyðarlínuna. Eiginmaðurinn gaf sig fram við lögregluna skömmu síðar og sagðist hafa misst stjórn á sér og hafi ekki vitað hvað hann gerði.

Margir íbúar á svæðinu hafa vitnað gegn nauðgaranum og sagt að hann hafi reynt að nauðga fleiri konum. Þeir hafa einnig varið það sem eiginmaðurinn gerði.

Nauðgarinn á fimm ára fangelsi yfir höfði sér en eiginmaðurinn á allt að átta ára fangelsi yfir höfði sér.