fbpx
Miðvikudagur 08.júlí 2020
Pressan

Þurfti að fara í flókna hjartaaðgerð eftir að hafa borðað poppkorn – „Dauðinn knúði dyra“

Kristján Kristjánsson
Mánudaginn 13. janúar 2020 06:02

Ekki missa af Helstu tíðindum dagsins í pósthólfið þitt

Lesa nánar

Adam Martin, 41 árs slökkviliðsmaður í Coverack í Cornwall á Englandi, hefur svarið þess eið að borða aldrei aftur poppkorn. Ástæðan er að hann var nærri dáinn á síðasta ári eftir að hafa reynt að fjarlægja popp sem sat fast á milli tannanna. Það endaði með að hann fékk alvarlega blóðeitrun sem orsakaði sýkingu í hjartanum. Læknar segja að ef hann hefði beðið þremur dögum lengur með að fara til læknis hefði hann dáið.

Cornwall Live skýrir frá þessu.

Allt hófst þetta í september þegar Adam deildi poppkornspoka með eiginkonu sinni, Helen, á meðan þau horfðu á sjónvarpið. Þá festist eitt popp á milli tanna innst í munninum. Þetta var við að gera hann brjálaðan í þrjá daga og hann reyndi að fjarlægja poppið með tannstöngli og nál úr málmi. Þetta orsakaði blæðingar í tannholdinu og því komust bakteríur úr munninum inn í blóðrásina.

Viku síðar byrjaði hann að svitna mikið, fékk höfuðverk og hjartsláttartruflanir en þetta eru nokkur einkenni hjartaþelsbólgu. Hann fékk einnig hjartanið.

„Læknar sögðu mér að ég hefði dáið ef ég hefði beðið með að fara til læknis í þrjá daga til viðbótar.“

Sagði Adam sem þurfti að gangast undir flókna hjartaaðgerð til að hægt væri að bjarga lífi hans.

„Flestir deyja þegar sýkingatalan nær 350. Hún var 340 hjá mér þegar ég var lagður inn. Ef ég hefði farið strax til tannlæknis hefði ég losnað við þennan hrylling. Þetta er það versta sem ég hef upplifað.“

Sagði þessi þriggja barna faðir.

„Dauðinn knúði dyra. Ég var mjög heppinn. En eitt er öruggt. Ég ætla aldrei aftur að borða poppkorn.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Ian McKellen leikur ungan Hamlet í nýrri uppsetningu í leikhúsi

Ian McKellen leikur ungan Hamlet í nýrri uppsetningu í leikhúsi
Pressan
Fyrir 3 dögum

Þrír létust og einn missti sjónina eftir að hafa drukkið handspritt

Þrír létust og einn missti sjónina eftir að hafa drukkið handspritt
Pressan
Fyrir 4 dögum

Spænska lögreglan varar ferðamenn við – Umfangsmikil svikastarfsemi við útleigu sumarhúsaíbúða

Spænska lögreglan varar ferðamenn við – Umfangsmikil svikastarfsemi við útleigu sumarhúsaíbúða
Pressan
Fyrir 4 dögum

Dularfullur heilaskaði – Sér ekki lengur tölurnar 2 til 9

Dularfullur heilaskaði – Sér ekki lengur tölurnar 2 til 9