Í fréttatilkynningu frá NASA kemur fram að plánetan líkist jörðinni okkar því hún sé á byggilegu svæði í sólkeri sínu og því geti fljótandi vatn verið til staðar á henni. Ef fljótandi vatn er til staðar eru almennt taldar meiri líkur á að einhverskonar líf geti þrifist á plánetum.
Plánetan er á stærð við jörðina og yfirborðshiti hennar er passlegur til að fljótandi vatn geti verið þar. En annars er ósköp lítið vitað um plánetuna og í heildina vitum við ekki enn með fullri vissu hvernig líf myndast.
Að plánetan sé frekar nærri jörðinni þýðir þó ekki að við getum skotist þangað í helgarferð því hún er í um 100 ljósára fjarlægð en það eru um 950 billjónir kílómetra.
