Íranska lögreglan handtók nýlega þrjá menn sem reyndu að selja kornabörn á netinu. 20 daga barni og tveggja mánaða barni var bjargað úr klóm glæpamannanna.

ISNA-fréttastofan skýrir frá þessu. Lögreglustjórinn í Teheran sagði að kennsl hafi verið borin á þriðja barnið en enn eigi eftir að finna það. CNN skýrir frá.

Börnin voru auglýst til sölu á Instagram. Fyrir eitt vildu mennirnir fá sem svarar til um 1,4 milljóna íslenskra króna fyrir og aðeins meira fyrir hitt. Börnin höfðu mennirnir keypt af fátækum fjölskyldum fyrir sem svarar til um 150.000 íslenskra króna.

CNN hefur eftir talsmanni Facebook, sem á Instagram, að fyrirtækið sé að rannsaka málið en ekki sé heimilt að nota miðla fyrirtækisins til að selja börn til ólöglegra ættleiðinga.