Gefnar hafa verið út handtökuskipanir á hendur sex lögregluþjónum í Atlanta-fylki í Bandaríkjunum eftir að myndband náðist af þeim misbeita valdi sínu gegn tveimur háskólanemum. Á myndbandinu má sjá nemendurna dregna úr bíl og skotna með rafbyssum fyrir litlar sem engar sakir.
They broke curfew by only 30 minutes in Atlanta (look who’s in the car infront of them) pic.twitter.com/GmoVgvwxi2
— 𝑻𝒓𝒆 🥀🖤 (@TreTopeka) June 1, 2020
Undanfarna daga hafa verið hávær mótmæli og mikil ólga vestanhafs í kjölfar þess að lögregluþjónninn Derek Chauvin kæfði George Floyd með því að setja hné sitt á háls Floyd þannig að hann gat ekki andað. Myndband náðist einnig af því atviki. George Floyd var svartur, en andlát hans er einungis eitt af mörgum tilfellum þar sem að svartur maður er drepinn af lögreglunni í Bandaríkjunum. Mótmælin sem um ræðir snúast fyrst og fremst rótgróið kynþáttamisrétti. Margir hafa lýst ástandinu sem stríðsástandi.
Þá hefur Bandaríkjaforseti, Donald Trump, verið harðlega gagnrýndur fyrir viðbrögð sín við mótmælunum. Hann hefur kallað út þjóðvarnarlið gegn mótmælendum, hótað að kalla út herinn gegn þeim og skilgreint stóran hluta mótmælenda -svokallaða andfasista – sem hryðjuverkamenn. Þá sprautaði lögregla táragasi á friðsama mótmælendur þegar að Trump sinnti embættisverkum sínum í dag og bílalest hans þurfti að komast framhjá.
Gríðarlegt magn af myndum og myndböndum sýna hvernig lögregla beitir sér af mikilli hörku gegn mótmælendum, til að mynda birtu The New York Times og Reuters slík myndbönd sem sjá má hér að neðan.