CNN skýrir frá þessu. Þeir sem vilja nýta sér þetta kostaboð verða að uppfylla það skilyrði að fólk eigi minnst eitt barn og það verður að lofa að búa í bænum í minnst þrjú ár.
Stefano Farina, bæjarstjóri, segir að í kjölfar jarðskjálfta 1980 hafi íbúum bæjarins fækkað mikið en mikið tjón varð í bænum í skjálftanum og hefur hann eiginlega aldrei náð sér að fullu á strik eftir skjálftann. Ungt fólk hefur flutt á brott og fáir hafa flutt í bæinn.
„Tvö börn fæðast í Teora árlega en 20 eldri borgarar deyja. Við erum aðeins 1.500 íbúar núna. Eftir jarðskjálftann fór margt ungt fólk að leita að nýjum stað til að búa á. Ég vil gjarnan snúa þessari neikvæðu þróun við. Börnin eru framtíðin, nýjar fjölskyldur eiga að vera hornsteinn samfélagsins hér svo við hvetjum barnafjölskyldur til að sækja um.“
Sagði Farina í samtali við CNN.
Þeir sem vilja kaup sér hús í bænum geta fengið 5.000 evrur í styrk frá bæjarsjóði. Hægt er að fá 100 fermetra hús fyrir um 30.000 evrur í bænum. Þau hús sem eru í boði eru öll í góðu standi því þau voru byggð eftir skjálftann 1980. Húsgögn fylgja meira að segja með sumum.