Það voru brasilískir vísindamenn sem mældu þennan óvenjulega háa hita á Seymour eyju. Mælingin hefur þó ekki enn verið staðfest af Alþjóðaveðurfræðistofnuninni WMO. The Guardian skýrir frá þessu.
Nokkrum dögum áður mældist 18,3 gráðu hiti í argentínskri rannsóknarmiðstöð á Suðurskautslandinu sjálfu. 1982 mældist 19,8 gráðu hiti á eyju á Suðurskautssvæðinu en 18,3 gráðu hitinn er mesti hiti sem mælst hefur á sjálfu meginlandinu.
The Guardian segir að vísindamenn, sem sjá um aflestur á veðurstöðvum í heimsálfunni, telji þessar nýju hitatölur vera mikið áhyggjuefni og að þær séu óeðlilegar.
Nýlega tilkynnti bandaríska haf- og loftfræðistofnunin, NOAA, að nýliðinn janúar hafi verið hlýjasti janúarmánuðurinn frá því að mælingar hófust. Meðalhitinn í mánuðinum var 1,14 gráðum yfir meðalhita janúarmánaða á síðustu öld.