Sænsk kona, á fertugsaldri, hefur verið ákærð fyrir að hafa ekki burstað tennur sonar síns um langa hríð og að hafa vanrækt tannhirðu hans. Þetta leiddi til þess að drengurinn fékk alvarlegar sýkingar og að lokum varð hann að gangast undir aðgerð þar sem 16 barnatennur voru fjarlægðar.
Aftonbladet hefur eftir Ida Annerstedt, saksóknara, að hún telji að móðirin hafi viljandi vanrækt tannhirðuna. Hún er því ákærð fyrir að hafa beitt soninn ofbeldi sem hafi valdið honum þjáningum og vanlíðan.
Saksóknarinn segir að þetta hafi staðið yfir í rúmlega fjögur ár.