Lögreglan í Nothern Beaches í útjaðri Sydney deildi því á Facebook síðu sinni að konurnar hefðu rifist um kórónavírusinn. Lögreglan segir að konurnar, sem eru á fertugsaldri og búa í Sydney, hafi ákveðið að hittast eftir að hafa rifist á Facebook. Fleiri meðlimir hópsins hafi ákveðið að mæta líka til þess að fylgjast með slagsmálunum.
Þær byrjuðu á því að rífast en slógust svo. Þær ýttu hvor annarri, lömdu og rifu í hár hvorrar annrrar. Það endaði með því að þær lágu í jörðinni, hálfmeðvitundarlausar, þrátt fyrir að viðstaddir hafi reynt að grípa inn í slagsmálin. Innlegg lögreglunnar vakti gríðarlega athygli í áströlskum fjölmiðlum og hefur því nú verið eytt.
Læknar töldu líkur á því að önnur kvennanna hefði hlotið heilaskaða. Hin hlaut meiðsli á öxl ásamt sárum og skurðum. Hún var einnig bólgin á handleggjum, búk og hálsi.
Ástæða þess að lögreglan eyddi innleggi sínu er sú að konurnar fengu yfir sig holskelfu hatursfullra ummæla. Samkvæmt Yahoo! News hefur önnur kvennanna kært hina fyrir ofbeldi, lögreglan rannsakar málið.