Vinstra megin sjást nokkur ský sem hafa líklegast myndast í litlum staðbundnum óveðrum sem þyrla ryki upp í andrúmsloftið. Universe Today skýrir frá þessu.
Mars er sú pláneta í sólkerfinu sem líkist jörðinni einna helst. Á Mars er eitt ár þó tvöfalt lengra en hér á jörðinni. Á einu ári verða miklar breytingar á yfirborði plánetunnar, sérstaklega við norðurpól hennar. Á veturna frýs hann algjörlega og þegar frostið fer niður í 143 gráður er orðið svo kalt að frosinn koltvísýringur leggst ofan á ísinn.
Myndin var tekin með mjög öflugri myndavél, High Resolution Stereo Camera, sem er um borð í Mars Express gervihnettinum sem er á braut um Mars og hefur verið síðan 2003. Gervihnötturinn á að rannsaka yfirborð Mars og þær breytingar sem verða á því og hafa orðið í gegnum tíðina. Vísindamenn hafa sérstakan áhuga á íslögunum á yfirborðinu því þau geta sagt ýmislegt um fortíðina. Þegar ísinn myndast frystir hann um leið „mynd“ af aðstæðunum á plánetunni á þeim tíma og segir því sögu hennar.