Fimm létust og sex slösuðust þegar heitavatnsrör sprakk og sjóðandi vatn flæddi inn í hótelherbergi í Perm í Rússlandi. Öll fórnarlömbin, þar á meðal eitt barn, voru gestir hótelsins þegar atburðurinn átti sér stað á aðfararnótt mánudag. Samkvæmt rúsnneskum yfirvöldum, voru þrjú þeirra sex sem slösuðust, send á sjúkrahús með brunasár.

Lögreglan rannsakar hvort um hafi verið að ræða brot á örygglisreglum, The Moskow Times greinir frá þessu.

Hótelið sem um ræðir, Mini-hotel Caramel, er lítið og samanstendur af níu herbergjum sem eru í kjallara íbúðablokkar. Málið gæti haft þær afleiðingar að þjóðþingið í Moskvu banni hótel og gistiheimili í kjöllurum íbúðablokka. Á síðasta ári bannaði þingið opnun gistheimila og hótelherbergja í íbúðum.