Hin handteknu eru Kylla Michelle Mann, þrítug móðir barnanna, og foreldrar hennar þau Pamela Deloris Bond, 66 ára, og James Bond, 69 ára. Þau voru öll úrskurðuð í gæsluvarðhald.
Tilkynning hafði borist um að aðstæður á heimilinu væru ekki sem bestar og því var farið að kanna þær. Í húsinu voru fjögur börn, 3, 4, 10 og 11 ára. Átta mánaða barn var þar ekki en lögreglan hafði fljótt upp á því. Í húsinu voru tvö trébúr með lásum.
NBC News hefur eftir lögreglunni að börnin hafi margoft verið læst inni í búrunum.