Myndirnar sýndu síðan hvað herbergið var í raun og veru, fataskápur! Verðið var í lægri kantinum fyrir New York eða sem svarar til um 3.500 íslenskra króna fyrir nóttina. Hún pantaði gistinguna en varð mjög hissa þegar hún mætti á svæðið og sá aðstöðuna með eigin augum.
Fyrsta áfallið var þegar hún sá hversu skítugt var í stofunni hjá gestgjafanum. Næsta áfall var þegar hún sá að rúmið hennar var ekkert annað en tvær dýnur ofan á hvor annarri og voru þær drulluskítugar. Hún birti myndband af aðstöðunni á Twitter og fór það á mikið flug og fékk milljónir áhorfa.
„Ég bókaði herbergið því ég legg ekki mikið upp úr hvar ég sef. Auðvitað bókaði ég það ódýrasta sem ég fann í Brooklyn svo ég vissi vel að það væri ekki frábær gisting og ég vel alltaf það ódýrasta, sama hvert ég fer.“
Sagði Zoe í samtali við Insider.
Gestgjafinn, sem var á ferðalagi þegar Zoe kom, sagði henni síðar að mistök hafi valdið því að ekki var búið að þrífa „herbergið“ hennar og endurgreiddi henni þrifagjald.
„Það versta við herbergið er örugglega rúmið en það verður líka mjög heitt í því og það er engin vifta svo ég varð að sofa með opinn glugga sem er ekki mjög öruggt og hafði í för með sér að ég heyrði öskrin í fólki á götunni.“
En það er ekki hægt að saka gestgjafann um að reyna að blekkja fólk því hann dregur ekkert undan í lýsingum á aðstöðunni.
„Herbergið er frábært fyrir bakpokaferðalanga og aðra sem ferðast ódýrt. Það er gott að sofa á uppblásinni tjalddýnu með annarri eins undir. Ég mæli ekki með aðstöðunni fyrir fólk sem er hærra en 1,85 sm eða fyrir fólk sem á erfitt með að sofa í litlu rými.“