Nýlega opnaði fyrirtækið fyrstu verslun sína í Evrópu en hún er í Madrid á Spáni. Business Insider skýrir frá þessu. Nýja verslunin er einhverskonar sýningarsalur fyrir netverslun Alibaba, AliExpress. Áhugasamir geta komið í hana til að sjá og prófa vörur og síðan pantað þær á netinu.
AliExpress virkar að hluta eins og Amazon. Seljendur geta notfært sér vefinn til að selja eigin vörur. Í nýju versluninni eru rúmlega eitt þúsund vörutegundir í hillunum frá 60 framleiðendum.
Markmið Alibaba er að taka slaginn við Amazon sem er nú um fjórum sinnum stærra en kínverska fyrirtækið. Jack Ma hefur lýst yfir áhuga og vilja til að ná fótfestu á evrópska og bandaríska markaðnum