Á síðasta ári misstu Pernille og Brian son sinn, Tobias. Þau búa í Danmörku. þegar þau fóru að leiði Tobias á þriðjudaginn sáu þau að búið var að stela legsteininum.

„Við erum hissa og leið og brugðið yfir að einhver fái af sér að stela einhverju svo persónulegu eins og legsteini.“

Sagði Pernille í samtali við Ekstra Bladet.

Steinninn er minni en venjulegur legsteinn og því auðvelt að taka hann. Hann var á sínum stað á mánudaginn. Pernille og Brian auglýstu eftir steininum á Facebook og ræddu við fjölmiðla vegna málsins.

„Okkur er alveg sama hver tók steininn og af hverju. Við höfum engan áhuga á að einhverjum verði refsað. Það eina sem við viljum er bara að fá steininn aftur.“

Sagði Pernille.

Tobias lést af völdum mislinga í apríl á síðasta ári, aðeins átta mánaða að aldri. Legsteinnin var gerður af foreldrum hans.