Danska ríkisútvarpið skýrir frá þessu. Lögreglan er sögð hafa fundið ýmis gögn á heimili hins grunaða, þar á meðal lista með nöfnum lækna sem hann hafði einnig átt í samskiptum við. Nafn Asperuds var á listanum.
Nöfn sex lækna eru sögð hafa verið á listanum. Þeir voru allir á vakt á slysavarðsstofunni í Hillerød 2014 þegar komið var með hinn grunaða þangað slasaðan eftir umferðarslys. Hegðun mannsins var með þeim hætti þar að læknarnir komu manninum undir hendur geðlækna og sætti hann eftirliti þeirra.
Lögreglan hefur ekki viljað tjá sig um þetta.
Hinn grunaði hefur margoft komist í kast við lögin og hefur hlotið marga refsidóma. 2013 var hann dæmdur í 30 mánaða fangelsi fyrir 200 brot, til dæmis þjófnaði, fjárdrátt og ölvunarakstur. Hann hefur margoft verið lagður inn á geðdeildir.
Lögreglan hefur farið fram á að maðurinn sæti geðrannsókn en það hefur ekki verið hægt enn og lögreglunni hefur heldur ekki tekist að yfirheyra manninn.