Miller var í síðustu viku dæmd í þriggja ára fangelsi af dómstól í Snaresbrook á Englandi fyrir að hafa haldi konunni fanginni og að hafa stolið frá henni. Lögreglan birti í síðustu viku myndir af Miller og frá heimili hennar sem var hlaðið dýrum fatnaði og húsgögnum.
Miller hitti konuna fyrir utan gæludýraverslun og bauð henni að vinna sem sjálfboðaliði í kattaathvarfi. 2012 sannfærði hún konuna, sem er þroskaskert, um að flytja heim til sín. Þar beið konunnar ömurleg tilvera þar sem hún var látin hírast í garðinum og þrífa dýrabúr í staðinn fyrir mat eða til að fá að koma inn í húsið.
Hún léttist mikið því Miller neitaði oft að gefa henni að borða og neyddi hana til að sofa á gólfinu eða í útihúsi.
Fyrir dómi kom fram að konan neyddist til að borða hunda- og kattamat til að halda hungrinu í skefjum. Hún fékk ekki að nota síma og hvað þá sinn eigin lífeyri. Í júní 2016 tókst henni að flýja úr húsinu og hafa samband við vin sem hafði samband við lögregluna og félagsmálayfirvöld. Miller var handtekin í kjölfarið en látin laus gegn tryggingu.
Við leit á heimili hennar fann lögreglan erfðaskrá þar sem konan hafði verið látin skrifa undir að Miller fengi allar eigur hennar.