Rétt áður en að Michael vann þann stóra hafði hann misst vinnuna í framleiðslufyrirtæki í Toronto. Aðstandendur hans hafa nú stigið fram í samtali við CBC og kallað eftir upplýsingum um dauða hans um helgina.
Michael flutti til heimalandsins, Eþíópíu, eftir að hann fékk vinninginn greiddan og það var þar sem hann lést síðastliðinn laugardag. „Hann vildi bara gera meira fyrir landið sitt,“ segir Sosuna Asefaw, frænka hans, í samtali við CBC um ástæður þess að hann fór til Eþíópíu.
Michael hafði dvalið til skiptis í Kanada og Eþíópíu undanfarin misseri en hann fór á heimaslóðir sínar í Eþíópíu fyrir um það bil tveimur vikum. Aðstandendur hans hafa fengið litlar upplýsingar um málið en grunur leikur á að glæpamenn hafi ætlað að ræna hann og þeir búið yfir vitneskju um að hann væri ríkari en meðalmaðurinn.
„Við vitum ekkert hvað gerðist. Fólk í kringum hann í Kanada þekkti sögu hans en það gerði líka fólk í Eþíópíu – því þetta er eitthvað sem gerist ekki á hverjum degi að fólk vinni stórar upphæðir í lottóinu.“ segir Asefaw.
Michael hafði gefið kirkjum á heimaslóðum sínar veglegar upphæðir að undanförnu. Fjölmiðlar í Eþíópíu fullyrða að Michael hafi látist þegar ránstilraun fór út um þúfur, en enginn hefur verið handtekinn vegna málsins. Aðstandendur hans í Kanada hafa kallað eftir aðstoð lögregluyfirvalda í Kanada og sendiráðs Kanada í Eþíópíu vegna málsins.