William Treadwell, 67 ára eftirlaunaþegi frá Lundúnum, á þunga refsingu yfir höfði sér fyrir morð. Hann er ákærður fyrir að hafa myrt Gary Amer, 63 ára blikksmið, með rúmlega 30 hnífsstungum. Ástæðan er að William reiddist mjög þegar Gary tók sér þriggja klukkustunda matarhlé. William hafði ráðið hann til að laga heita vatnið heima hjá sér.
BBC skýrir frá þessu. Að morðinu loknu fór William á hverfispöbbinn og hringdi í lögregluna og játaði morðið.
Fyrir dómi hefur komið fram að William hafi fyrst slegið Gary í höfuðið aftan frá með steikarpönnu. Síðan hafi hann ráðist á hann, þar sem hann lá á gólfinu, og stungið margoft. Þegar lík Gary fannst stóðu tveir hnífar fastir í því.
