Sky og CNN skýra frá þessu. Fram kemur að Klopfer hafi látist þann 3. september síðastliðinn. Sky segir að hann hafi verið sá fóstureyðingalæknir í Indiana sem hafði mest að gera en hann framkvæmdi mörg þúsund fóstureyðingar síðustu áratugi.
Allt þar til 2016 rak hann þrjár fóstureyðingarstofur í Indiana en þá neyddist hann til að loka þeim eftir að hann var sviptur starfsleyfi. Það gerðist vegna fjölda brota hans á lögum um fóstureyðingar. Meðal annars hafði hann látið hjá líða að tryggja að hæft starfsfólk væri til staðar á meðan og eftir að fóstureyðingar voru framkvæmdar. Einnig var hann áminntur fyrir að hafa ekki tilkynnt um fóstureyðingu sem hann framkvæmdi hjá 13 ára stúlku.
Lögreglan hefur nú hafið rannsókn á málinu sem er hið undarlegasta svo ekki sé meira sagt.