BBC skýrir frá þessu. Haft er eftir talsmanni öryggismálaráðuneytis landsins að honum þyki leitt að þurfa að ræða þetta mál en samfélagið eigi rétt á að vita hvað gerðist.
Guadalajara er í Jalisco-ríki en þar heldur eitt hættulegasta glæpagengi Mexíkó, Jalisco New Generation Cartel, til.
Mexico News Daily segir að morðtíðnin í Jalisco hafi aukist um 21 prósent það sem af er þessu ári miðað við sama tíma í fyrra. Rúmlega 3.000 manns er saknað í ríkinu. Af þeim sökum vildu margir fá að vita þegar búið var að bera kennsl á líkin 44.