Í samtali við útvarpsstöðina France Inter sagði hann að hann „myndi elska að sjá“ Macron forseta veita sér hæli. Hann bætti einnig við að markmið hans væri að sjá að uppljóstrarar á borð við hann sjálfan fengju almennt betri vernd.
Hann sagði að eitt það sorglegasta við eigið mál væri að „eini staðurinn þar sem bandarískur uppljóstrari gæti opinberað upplýsingar sínar væri ekki í Evrópu heldur í Rússlandi“.
Hann sótti um hæli í Frakklandi 2013 en hefur ekki fengið svar við þeirri umsókn.
Gagnalekinn frá Snowden var einn sá stærsti í bandarískri sögu. Í þeim kom skýrt fram hvernig NSA njósnar um almenning. Snowden flúði til Hong Kong til að geta lekið gögnunum en fór síðan til Rússlands þar sem hann fékk síðan hæli.
Mannréttindafrömuðir telja uppljóstranir Snowden vera mikla hetjudáð en bandarísk yfirvöld vilja hafa hendur í hári hans og draga hann fyrir dóm.