Strekkingsvindur var í Danmörku þennan dag og sá hann um að láta vindmyllurnar snúast af krafti. Þetta var í fyrsta sinn sem vindmyllurnar framleiddu nægilegt rafmagn 24 klukkustundir í röð.
Fyrir tíu árum sáu vindmyllur Dönum fyrir um fimmtungi af því rafmagni sem þeir þurftu en í dag er hlutfallið mun hærra og nú eru farnir að koma dagar þar sem þær standa alveg undir orkuþörfinni.
Á milli klukkan 2 og 3 aðfaranótt sunnudags var rafmangsframleiðslan í hámarki en þá var hún 60% meiri en þörf var á.
Umframrafmagnið er selt til útlanda enda er Danmörk vel tengd við nágrannaríki sín og liggja rafstrengir í allar áttir.