Á miðvikudag í síðustu viku var kona í göngutúr eftir göngustíg í Randers á Jótlandi í Danmörku. Þá gekk hún fram á karl og konu, bæði um fimmtugt, sem voru að stunda kynlíf nærri Tøjhushaven. Þetta var um hádegisbil. Konan reyndi að fá fólkið til að láta af þessu þar sem börn nota þennan stíg mikið.

En fólkið sinnti þessu engu og hélt ótrautt áfram iðju sinni. Konan sá því ekki annað ráð en hringja í lögregluna og mættu lögreglumenn skjótt á svæðið.

Þeir báðu kynlífsþurfandi parið „vinsamlega“ en „ákveðið“ um að finna annan stað til að stunda ástarleiki sína og hlýddi parið laganna vörðum og hætti iðju sinni og hafði sig á brott. Ekki fer frekari sögum af ástarleikjum þeirra þennan daginn.