Sjö nemendur í áttunda bekk Olentangy Hyatts miðskólans í Ohio í Bandaríkjunum hafa verið ákærðir fyrir að hafa sett sæði og þvag í mat sem þeir báru á borð fyrir kennara í skólanum.

WBNS skýrir frá þessu. Matseldin var hluti af keppni meðal nemenda þar sem kennarar áttu að smakka ýmsa rétti og gefa einkunn. Einn nemandanna hafði eigið sæði meðferðis í plastpoka og hellti því út í mat sem var síðan borinn á borð fyrir kennarana.

Saksóknari segir að nemendurnir hafi skipulagt þetta mörgum dögum áður. Annar nemandi kom einnig með sæði í poka en það var ekki sett í matinn. Þriðji nemandinn, í samvinnu við fleiri, skipulagði að nota þvag í grillsósu sem hann setti út á mat og bar á borð fyrir kennarana.

Nemendurnir tóku þetta síðan upp og dreifðu sín á milli. Þannig barst þetta á endanum til skólayfirvald og upp komst um málið.